gecenin şiiri

Aşıkuz âlemde bir gül yüzli gülizar isterüz
Karşısında şevk ile dil bülbülün zar isterüz

Ey tabib-i can buyur la'l-i lebünden bir cevab
Hasteyüz hicran şebinde derde timar isterüz

Zahida sanma senün uçmağına biz talibuz
Cüya sığmaz ravza-i aşk ile didar isterüz

Sırr-ı aşkı çünki faş itdi gönül Mansür-veş
Zülfi da'rında anın olmağa bir dar isterüz

Çarşuy-ı aşkda gördük meta-ı buseni
Nakd-i can ü dil ile geldik ki bazar isterüz

Didüm ey dilber nedir buşde vü cevr ü cefa
Güldi didi naz ile aşıkları zar isterüz

Bu Muhibbi hal ü hatt u zülfine kılmaz nazar
Bakmazuz nakşına biz bir sade ruhsar isterüz.