1. 1.
    Câm-ı safâ gerekmez dünyâ-yı dûn elinden
    Merdâneler şikârı almaz zebûn elinden

    Gam çekme câm-ı mergi yeksân sunar zamâne
    Ol zehri Cem de çekmiş gerdûn-ı dûn elinden

    Dil safhasına baktım etrafı cümle meşrûh
    Bildim bu nüsha çıkmış bir zû-fünûn elinden

    Kef kef geçer denizler âvâre muztarib-hâl
    Dağlar şikâyet eyler sabr u sükûn elinden

    Ferhâd'a öz vücûdu dağlarca hâil idi
    Yoksa değildi âciz ol Bî-sütûn elinden

    Hâlî değil gönülden her giz o zülf ü şâne
    Kârım katı müşevveş hâl-i derûn elinden

    Ehl-i safâ dilinden bir şi'r dedi Nev'î
    Geh şükr ü geh şikâyet aşk u cünûn elinden *
    1 ... mulayim